នមោ ៨ បទ

នមោ អរ-             ហតោ សម្មា-        សម្ពុទ្ធស្ស          មហេសិនោ

ខ្ញុំសូមបង្គំ                  ឆ្ពោះព្រះអរហន្ត          សម្ពុទ្ធភគវន្ត           កាលស្វែងរកធម៌

គឺពោធិញ្ញាណ             ប្រសើរបវរ                បានត្រាស់ដឹងធម៌     ដោយអរិយមគ្គ ។

នមោ ឧត្ត-            ម ធម្មស្ស            ស្វាក្ខា តស្សេ­-     វ តេនិធ

សូមថ្វាយបង្គំ              ព្រះធម៌ឧត្តម             ដែលព្រះបរម          សម្ពុទ្ធសម្តែង

ដោយប្រពៃពិត            ប្រាកដជាក់ស្តែង        ព្រះធម៌នោះឯង   ទុកក្នុងសាសនា ។

នមោ មហា           សង្ឃស្សា បិ         វិសុទ្ធសី-          ល ទិដ្ឋិនោ

សូមថ្វាយបង្គំ              ព្រះសង្ឃប្រសើរ         ដែលលោកបានធ្វើ    ទិដ្ឋិនិងសីល

ឲ្យបានបរិសុទ្ធ             ផុតចាកមន្ទិល           គឺទិដ្ឋិសីល             លោកស្អាតអស់ហើយ។

នមោ ឳមា-           ត្យារទ្ធស្ស            រតនត្តយ-          ស្ស សាធុកំ

សូមថ្វាយបង្គំ              ប្រជុំត្រ័យរ័ត្ន             ប្រារព្ធដោយបទ       មានបីប្រការ

ព្រះពុទ្ធព្រះធម៌            ព្រះសង្ឃឈ្នះមារ       ប្រសើរអស្ចារ្យ         ថ្លឹងថ្លែងពុំបាន ។

នមោ ឳម-            កាតី តស្ស           តស្ស វត្ថុ-         ត្តយស្សាបិ

សូមថ្វាយបង្គំ              ភ្ជុំវត្ថុបី                     ពិសេសពិសី           ប្រសើរថ្កើនថ្កាន

ព្រះពុទ្ធព្រះធម៌            ព្រះសង្ឃសព្វឋាន       តេជៈកល្យាណ        ដោយគុណគួរគាប់ ។

នមោ ការ-            ប្បភាវេន            វិគច្ឆន្តុ             ឧបទ្ទវា

សូមថ្វាយបង្គំ              ត្រ័យរ័ត្នសោភា          ឧបទ្រពនានា          ចូរវិនាសបាត់

ដោយអានុភាព            បុណ្យជួយកំចាត់        ធ្វើក្តីវិបត្តិ                ឲ្យស្ងាត់សូន្យទៅ ។

នមោ ការ-            នុភាវេន             សុវត្ថិ ហោ-       តុ សព្វទា

សូមថ្វាយបង្គំ              ត្រ័យរ័ត្នទាំងបី           សូមសុខសួស្តី         កើតសព្វវេលា

ដោយអានុភាព            ធ្វើការវន្ទា                 គោរពបូជា              ឆ្ពោះព្រះត្រ័យរ័ត្ន ។

នមោ ការ-            ស្ស តេជេន          វិធិម្ហិ ហោ-        មិ តេជវា

សូមថ្វាយបង្គំ              ត្រ័យរ័ត្នសោភា          តេជៈចេស្តា            ចូរមានដល់ខ្ញុំ

ក្នុងពិធីធ្វើ                  កិច្ចថ្វាយបង្គំ             តេជៈបុណ្យធំ          សូមកើតឡើងហោង ។